Мурињо сака уште едно засилување и има „луда“ идеја!

Менаџерот на Манчестер Јунајтед, Жозе Мурињо сака преодниот рок да го затвори со уште едно засилување за својот тим.

Ова лето Мурињо на засилувања потроши повеќе од 160 милиони евра, а на „Олд Трафорд“ пристигнаа Ромелу Лукаку, Виктор Линделоф и Немања Матиќ. Според пишувањата на англиските медиуми „Специјалниот“ сака уште едно засилување до крајот на преодниот рок.

Откако пропадна трансферот на Иван Перишиќ, Мурињо има „луда“ идеја да го донесе ветеранот Арјен Робен со кого соработуваше во Челзи.

Робен влегува во последната година од договорот со Баерн Минхен, па Мурињо може да го добие по поволна цена, а притоа Холанѓанецот веќе има 33 години.

Мурињо смета дека Робен ќе биде идеално засилување за неговиот тим и фудбалер кој ќе може да прави разлика на теренот, па останува да видиме што мислат Баварците и дали се спремни да ја пуштат својата ѕвезда.