Мурињо сака слава со трет клуб од Премиер лигата

Жозе Мурињо сака да стане првиот менаџер кој освоил значајни титули со три различни клубови од Премиер лигата.

Според англиските медиуми тоа е основната причина поради која Португалецот се уште не се враќа на тренерската работа.

Имено, „Специјалниот“ чека понуда од Премиер лигата бидејќи сака да биде блиску до неговото семејство кое живее во Лондон.

Пред извесно време се твдеше дека Тотенхем е потенцијална варијанта, но сега се појавија информации дека Арсенал може да бара нов тренер после слабите резултати на тимот.

Мурињо веќе одби неколку понуди за работа во последните 10 месеци, бидејќи смета дека не се пропорционални на неговите амбиции.

Мурињо чека понуда од Премиер лигата и само евентуално враќање во Реал Мадрид може да го натера да го напушти Островот.