Мурињо по поразот од Тотенхем: Игравме смешно

Манчестер Јунајтед загуби во вчерашното дерби од 25 коло во Премиер лигата.

„Ѓаволите“ го одиграа еден од најлошите натпревари оваа сезона, а Тотенхем поведе после само 11 скунди игра, за во 28 минут Фил Џонс да си постигне автогол за 2:0.

„Мислам дека баш и не е нормално да примите гол после само неколку секунди. Смешни се двата гола кои ги примивме. Првиот е плод на низа грешки кои ги направивме. Тоа едноставно ве убива, Тотенхем после тој погодок играше како што сакаше“, изјави Мурињо.

Од друга страна Покетино беше презадоволен.

„Ова можеби беше и наш најдобар натпревар на „Вембли“. Доминиравме, не примивме гол и одигравме без грешки. Сега сме во позиција да се бориме за првите четири места“, истакна Аргентинецот.