Мурињо по победата против Салернитана купил 60 пици

Вчера Рома со 1:0 победи на гости против Салернитана во првото коло од Серија А.

Резултатот е минимален, но Рома одигра натпревар во кој ја контролираше играта и создаде многу прилики за поубедлив триумф. Пред се одлични шанси имаа Заниоло и Дибала, но не ги реазлираа.

Мурињо по натпреварот истакна дека бил задоволен од своите фудбалери, а „Кориере дело Спорт“ откри дека Португалецот купи 60 пици за фудбалерите и вработените во тимот.

Бидејќи следниот натпревар на Рома е во понеделник Мурињо им дал и два слободни дена на фудбалерите, тренингот е закажан за в среда.