Мурињо и го „краде“ Смолинг на Рома

Менаџерот на Тотенхем, Жозе Мурињо е заинтересиран да го донесе дефанзивецот на Манчестер Јунајтед, Крис Смолинг, пренесуваат италијанските медиуми.

30-годишниот дефанзивец во моментов игра во Рома како позајмен фудбалер и игра одлично оваа сезона. „Волчицата“ прави се од себе за да го откупи неговиот договор, но се чини дека имаат сериозна конкуренција за неговиот потпис.

Смолинг е во добри услови со Мурињо уште од нивниот престој на „Олд Трафорд“ и тоа може да биде во корист на „спарси“. Засега, фудбалерот не брза да ја реши својата иднина и ќе почека до крајот на сезоната за да ги разгледа сите опции.

Мурињо треба да ја засили одбраната во текот на летото. Тој сигурно ќе мора да најде замена за Јан Вертонген, чиј договор истекува и ќе си замине како слободен агент.