Мурињо и Арсенал се „тепаат“ за стопер од 50 милиони

Според пишувањето на англиските медиуми Арсенал и Тотенхем ќе водат битка за фудбалерот на Норвич, Бен Годфри.

Младиот репрезентативец на Англија има 22 години, а оваа сезона ги привлече вниманието со настапите на Норвич во Премиер лигата.

Норвиќ веќе ја постави цената од 50 милиони фунти, што делува нереално, но Тотенхем и Арсенал се спремни преку преговори да ја намалат цената.

Квалитетот на Годфри го забележаа и многу клубови ширум Европа, па на лето се очекува голема битка за неговиот потпис.

Сепак, англиските медиуми тврдат дека клубовите од Лондон се фаворити за неговиот потпис и веќе работат на трансферот.