Мурињо договори ново засилување: Синот на холандската легенда пристигнува на „Олд Трафорд“

Менаџерот на Манчестер Јунајтед, Жозе Мурињо веројатно го заврши првиот трансфер за следното лето.

Новиот играч на „Црвените ѓаволи“ би требало да биде младиот фудбалер на Ајакс, Џастин Клајверт, синот на легендарниот холандски напаѓач, Патрик Клајверт.

Овој 18-годишен фудбалер важи за еден од најголемите таленти на холандскиот фудбалер.. Мурињо е во добри односи со него и како што се наведува му ветил дека ќе го донесе на „Олд Трафорд“ следното лето.

На Клајверт му останаа 18 месеци договор со Ајакс. Почна да се зборува за неговото заминување, но потоа се вклучи Мурињо. Португалецот како што се наведува го замолил фудбалерот до лето да остане во Ајакс и потоа ќе го донесе во својот тим.