Мурињо ги израдува фановите: Лукаку спремен за финалето

Менаџерот на Манчестер Јунајтед зборуваше за повредата на Ромелу Лукаку и за изгледите тој да настапи на финалето од ФА Купот.

Лукаку игра одлична прва сезона на „Олд Трафорд“ и постигна 27 гола во 50 натпревари од почетокот на сезоната, но заработи повреда на мечот со Арсенал.

Напаѓачот моментално е во Белгија каде се рехабилитира, а Мурињо ги израдува фановите и изјави дека најверојатно ќе биде спремен за финалето.

„Се надевам дека ќе игра во финалето. Тој е во Белгија, каде што се лекува, но имаме постојана врска меѓу докторите таму и нашиот лекарски штаб. Сега само треба да почекаме и да видиме. Ако не може да започне од првата минута, барем ќе биде на клупата“, изјави Португалецот.