Монако одбил неверојатни 80 милиони евра за Мбапе

Килијан Мбапе најверојатно ќе биде еден од најмногу бараните играчи во следниот трансфер период.

Талентираниот француски напаѓач ја воодушеви цела Европа со неговите настапи во дресот на Монако оваа сезона, па за него интерес покажаа многу гиганти, меѓу кои и Реал Мадрид.

Според пишувањата на француското радио „RMC“, Монако неодамна одбил 80 милиони евра за Мбапе, иако не е познато името на клубот кој ја понудил таа понуда за одличниот фудбалер.

Се претпоставува дека тоа би можело да биде токму Реал Мадрид, а за 18-годишниот голгетер интерес покажаа и Манчестер Јунајтед и Челзи.