Екипите на Монако и Атлетико Мадрид ги пополнија и последните места во четвртфиналната фаза од Лигата на Шампионите, откако беа поуспешни од Манчестер Сити и Баер Леверкузен.
Тимот на Монако успеа да ја надохнади негативата од првиот натпревар против Манчестер Сити, во кој што загуби со 5-3. Францускиот тим славеше со 3-1 на домашен терен, што беше доволно поради головите во гости да оди понатаму.
Шанса да станеш YouTuber! Приклучи се! ↓↓↓
Стрелци на головите за Монако беа Килиан Мбап, Фабињо и Тиемуе Бакајоко, додека единствениот гол за гостите го постигна Лирој Сане.
Во вториот вечерашен натпревар тимот на Атлетико Мадрид на домашен терен ја бранеше предноста од 4-2 која што ја оствари на гостувањето во Леверкузен и вечерва одиграа само 0-0.
Монако и Атлетико Мадрид се приклучија на Баерн Минхен, Реал Мадрид, Барселона, Борусија Дортмунд, Јувентус и Лестер во четвртфиналето.
Ждрепката за паровите од следната фаза ќе се одржи во петок во 12 часот во Нион.
Учество во игри на среќа е дозволено за лица со 18+ години. Играј одговорно!