Може ли Роналдо на крајот од сезоната да направи изненадувачки потег?

Кристиано Роналдо наскоро ќе го прослави својот 35. роденден и неодамна призна дека размислува за тоа што ќе прави по завршувањето на кариерата.

Роналдо ја обележи претходната деенија со неверојатни настапи во дресот на Реал, а сега настапува во Јувентус и се ближи кон пензионирањето. Португалецот веќе започна неколку нови бизниси и со тоа некако најави со што би се занимавал, а спомена и дека би можел да влезе во филмската индустирија.

Меѓутоа медиумите пишуваат дека Роналдо пред да стави крај на кариерата би можел да одигра една сезона надвор од Европа, наводно во игра се неколку понуди од Катар и САД.

Клубовите од овие земји наводно се спремни да понудат огромна сума за да го доведат Роналдо на само една сезона.

Сепак, Роналдо според физичката форма во која се наоѓа сигурно може да одигра уште некоја сезона на највисоко ниво, па затоа овие информации засега не изгледаат реално.