Младата ѕвезда на „кралевите“ со закана до управата: Ако го доведете Азар јас си заминувам!

Наводно Реал Мадрид преговара со Еден Азар, а за ова според англиските медиуми се информирани и фудбалерите на овој клуб.

Според сегашната ситуација, Еден Азар се наоѓа на мета на Реал Мадрид.

Белгиецот оваа сезона игра одлично во Премиер лигата, постигнува голови и им задава големи главоболки на противничките одбрани и „кралевите“ секако дека би сакале да имаат таков фудбалер во своите редови.

Тоа секако ќе оди тешко имајќи ја предвид моќта на Челзи, а прашање е и дали тоа го сака Азар. Одредени медиуми пишуваат дека Белгиецот преговара со Реал Мадрид, но и дека ова налутило еден фудбалер на овој тим.

Станува збор за Марко Асенсио (21) младиот фудбалер кој дури наводно и ја известил управата дека сака да замине доколку во клубот пристигне Еден Азар.