Миовски: Ни се падна најтешката група, но за да играме на СП мораме да победиме големи репрезентации

Репрезентацијата на Македонија денес доби тежок ждреб во баражот за Мундијалот во Катар.

Во полуфиналето ќе се сретнеме со Италија, додека со евентуален пласман во финалето ќе гостуваме на Италија или Турција. Коментар и свое мислење за ждребот за нашиот сајт даде напаѓачот Бојан Миовски.

„Од 3-групи ни се падна реално најтешката, но тоа е фудбалот ако сакаме да играме на Светско првенство мораме да победиме големи репрезентации. За несреќа вториот натпревар се игра на гости, но што е тука е, прво да се концентрираме на Италија останува да бидеме во добра форма до март и да бидеме сите здрави. Се игра еден натпревар 90 минути и се е можно. Италија е фаворит, но само на хартија, ние имаме одлична репрезентација, одлична атмосфера и мислам дека имаме шанси да победиме“, ни изјави Миовски.

Фото: ФФМ