Милевски: Не сме случајно тука, ќе направиме се за да победиме

Селекторот на македонската репрезентација, Благоја Милевски на денешната пресконференција изјави дека нашата репрезентација не е на нивото на Италија, но ќе направиме се за да победиме.

Милевски истакна дека Македонија не стигнала случајно до баражот и им порача на фудбалерите да уживаат на теренот.

„Подготвени сме, не сме тука случајно и очекуваме да прикажеме одличен настап. Се уште не сме на нивото на Италија, но ќе направиме се што можеме утре за да бидеме подобри. Сметам дека сме физички подготвени и за подолг натпревар од 90 минути, а сите фудбалери се чувствуваат добро“.

„Ќе им кажам на моите играчи да излезат на теренот и да уживаат. Атмосферата е одлична, ќе го дадеме максимумот да направиме позитивен резултат“, изјави Милевски, кој потврди дека нема дилеми околу составот.