Милан ја доби битката: Тонали на чекор од „Сан Сиро“

Милан победи во трката за потписот на големиот италијански талент, Сандро Тонали пренесува „Скај Италија“.

Тонали беше најблиску до Интер, но „росонерите“ успеаа да го „украдат“ играчот пред носот на градскиот ривал.

Милан пред неколку дена испратил понуда од 38 милиони евра, која е подобра од таа на Интер, а Тонали веќе дал согласност да го облече „црвено-црниот“ дрес.

Милан понудил 10 милиони евра за едногодишна позајмца плус 25 милиони евра за откуп и 3 милиони евра бонуси.

Во моментов се договараат последните детали и во следните денови се очекува трансферот да биде комплетиран.