Милан тргнува по Шпанецот од Манчестер Јунајтед

Италијанските медиуми пренесуваат дека Милан е сериозно заинтересиран за играчот на Манчестер Јунајтед, Андер Ерера.

Договорот на шпанскиот репрезентативец со Манчестер Јунајтед истекува во 2019 година, но „црвените ѓаволи“ немаат намера да му понудат продолжување на истиот, па најверојатно Ерера ќе ја промени средината следното лето.

Милан сака да ја искористи таквата ситуација и веќе стапил во контакт со неговиот менаџер.

„Калчомеркато“ тврди дека „росонерите“ интензивно работат на овој трансфер бидејќи сакаат да ја победат конкуренцијата.

28-годишнот играч за врска е спремен да ја промени средината, а неговата цена во моментов изнесува помеѓу 25 и 30 милиони евра.