Дома Топ вести Милан сака да го „украде“ Барела пред носот на Интер

Милан сака да го „украде“ Барела пред носот на Интер

Николо Барела од Каљари важи за еден од најголемите италијански таленти, па ова лето ќе се води жестока битка за неговиот потпис.

22-годишниот играч за врска одигра уште една фантастична сезона во Серија А и веќе се избори за стандардно место во италијанската репрезентација.


Вака се слави гол во 120-та минута!!! ↓↓↓


Интер важи за најсериозен кандидат за неговиот потпис, а некои медиуми дури тврдеа дека „нероаѕурите“ веќе го договорија трансферот.

Интер подолго време е во преговори со Каљари, но двете страни се уште не можат да најдат заеднички јазик. Клубот од Сардинија бара 50 милиони евра, додека „нероаѕурите“ се спремни да платат најмногу 30 милиони и да понудат неколку млади фудбалери.

Таквата ситуација сака да ја искористи Милан, па најеминентните италијански медиуми тврдат дека „росонерите“ сериозно се вклучиле во трката.

Малдини стапил во контакт со Каљари и со агентот на играчот и наводно е спремен да ја плати бараната сума од 50 милиони евра.

„Росонерите“ имаат проблем со финансискиот фер-плеј, но се спрмени да го продадат Франк Кеси за да го финансираат трансферот на Барела.

Сепак, Интер и понатаму останува во пол-позиција за неговиот потпис, бидејќи самиот играч преферира преселба во тимот на Антонио Конте.

Коментари
Прочитајте поврзани статии
Load More In Топ вести

Проверете

Статистиката и традицијата велат: Синер е идниот број еден!

Јаник Синер имаше почеток од соништата во оваа 2024 година. Го освои првиот Грен слем сезо…