Милан нуди двајца играчи и пари за фудбалерот кој требаше да заврши во Премиер лигата

Управата на Милан до крајот на преодниот рок сака да се засили со Бруно Фернандеш.

Спортинг веќе одби понуди од Манчестер Јунајтед и Тотенхем бидејќи не беа задоволувачки.

Наводно управата на Спортинг бараше 70 милиони евра, а Милан во овој момент нема толку пари. Сепак, „росонерите“ се надеваат дека на друг начин можат да ја завршат работата.

Тие се спрмни да испратат понуда од 30 милиони евра плус Андре Силва и Сами Кастиљехо за да го доведат Фернандеш.

Меѓутоа како што наведуваат италијанските медиуми официјална понуда се уште нема и таа би требало да пристигне во наредните денови.

Нема сомневање дека Фернандеш би бил одлично засилување за тимот на Милан во новата сезона.