Милан на кинески мотор не запира: Пристигна трето, а наскоро и четврто засилување!

Милан е еден од клубовите кои се најактивни на трансфер пазарот, што е јасен сигнал дека новото раководство сака да ги врати „росонерите“ на врвот на италијанскиот фудбал.

После трансфероте на Мусакио (18 милиони) и Кесие (28 милиони), денес на прегледи во Милано пристигна Рикардо Родригез од Волфсбург кој треба да биде третото засилување за „росонерите“ ова лето.

Милан и Волфсбург постигнаа договор за трансфер од 15 милиони евра плус 3 во име на бонуси, а Родригез ќе потпише 4-годишен договор со „росонерите“.

„Среќен сум што доаѓам во Милан. Ова е голем клуб и ќе го дадам максимумот. Форца Милан“, изјави 24-годишниот лев бек.

Италијанските медиуми тврдат дека Милан постигнал договор и за 4-то засилување, а тоа е Лукас Биглиа од Лацио.

Аргентинскиот репрезентативец во наредните денови се очекува да пристигна на прегледи во Милано, а „росонерите“ за него ќе платат 22 милиони евра.