Милан и Интер ја сакаат ѕвездата на Шалке

Миланските гиганти Интер и Милан се заинтересирани за дефанзивецот на Шалке и турски репрезентативец Озан Кабак.

Турскиот репрезентативец важи за еден од најперспективните во Европа, има само 20 години, а минатото лето се пресели во Шалке за сума од 15 милиони евра.

Оваа сезона одигра 29 меча и постигна 3 гола, а Шалке за неговата слобода бара 25 милиони евра.

Интер преговара со Тотенхем и доколку го продаде Скриниар во Кабак гледа идеална замена, па веќе стапил во контакт со неговиот агент.

Милан е во потрага по квалитетен дефанзивец и откако пропаднаа преговорите со Фиорентина за Миленковиќ, сега се сврти кон Озан Кабак.