Милан го сака капитенот на АЗ

Играчот за врска на АЗ Алкмаар, Теун Копмејнерс може да се пресели во Серија во текот на летниот преоден рок.

22-годишниот Холанѓанец кој е капитен на АЗ е на радарот на италијанскиот гигант Милан, пренесува „Тутоспорт“.

Главниот скаут на „росонерите“ Џефри Монкада веќе подолго време ги гледа настапите на Копмејнерс и смета дека би бил одлично засилување.

Со своите настапи оваа година Копмејнерс привлече големо внимание и во Холандија веќе го споредуваат со Ван Бомел. На 42 меча оваа сезона постигна 16 гола и запиша 6 асистенции.

Неговата цена во моментов изнесува околу 20 милиони евра, сума која Милан е спремен да ја плати.