Милан во јануари носи засилување од Челзи

Милан во зимскиот преоден рок ќе се обиде да го доведе играчот за врска на Челзи, Лофтус Чик.

Милан е силно заинтересиран за Рубен Лофтус Чик, кој одигра одлично против „росонерите“ и го привлече вниманието на Малдини.

26-годишниот играч за врска не добива голема минутажа во Челзи, па и самиот е спремен да ја промени средината.

Милан сака да го доведе во јануари на позајмица со право на откуп, а истовремено да се ослободи од Бакајоко.

Лофтус Чик има договор до 2024 година со „сините“, а за неговата слобода Челзи бара 15 милиони евра.