Миланско дерби за дефанзивецот на Јунајтед

Дефанзивецот на Манчестер Јунајтед, Ерик Баи ќе побара трансфер од раководството пренесуваат медиумите на Островот.

Солскјер е во потрага по нов дефанзивец, а тоа значи дека минутажата на Баи додатно ќе се намали, па двете страни сигурно ќе се разделат.

Баи на лето влегува во последната година од договорот па тоа е последна шанса Јунајтед да заработи на неговото заминување.

Ситуацијата внимателно ја следат миланските гиганти Интер и Милан и сакаат да го донесат дефанзивецот во Милано.

Интер има одлична соработка со Манчестер Јунајтед и во последните години донесе четворица фудбалери од „Олд Трафорд“.

Негов агент е Мино Раиола кој веќе имал средба со двата клуба, а Јунајтед за слободата на играчот бара 20 милиони евра.