МЗТ во четвртиот дел доби „шлаканица“ од Гостивар

Актуелниот шампион, МЗТ Скопје загуби од Гостивар на гости до 67:64.

Ништо не можеше да покаже дека МЗТ ќе го загуби овој меч, откако првото полувреме го доби со 38:23, што сепак беше значаен предност.

Иако Гостивар го засили темпото во третата четвртина, Аеродромци успеаа да ја задржат позитивата.

Но, на крајот се случи неверојатен пресврт, Гостиварчани ја искористија секоја понудена можност па на крајот славеа со три позитива.

Кај Гостивар најпрецизен беше Тасовски со 23 постигнати поени, додека кај МЗТ се издвои Крафорд со 13 постигнати поени.