Ракометарите на Металург направија голем подвиг откако вчера вечер, во натпреварот од првото коло од плеј офот, го победија шампионот Вардар со 29:26 (15:13). Натпреварот се одигра во салата „Автокоманда“ пред полни трибини, а Металург ја искористи предноста на домашен терен да извојува значајна победа.
Во првиот дел двете екипи се менуваа во водство, кое по 30 минути беше во корист на играчите на тренерот Лино Червар. Во вториот дел тренерот на Вардар Раул Гонзалез се обиде да внесе промени во играта, но неговата екипа само во два наврати изедначи (17:17 и 21:21).
Србија прв тест за "големиот" најскап фаворит! Холандија во проблеми! ↓↓↓
Во финишот на дуелот Металург стигна и до четири разлика и заслужено оствари победа. Најефикасен на натпреварот беше Немања Обрадовиќ од Металург со 10 голови, додека кај Вардар Иван Чупиќ постигна шест голови.
На завчера одиграните дуели од 1.коло од плеј офот: Охрид – Работник Еурофарм 28:23 и Борец – Пелистер 29:33.
Учество во игри на среќа е дозволено за лица со 18+ години. Играј одговорно!