Меси не сакаше да игра против луѓе кои убиваат деца, Израелците се налутија

Аргентинската репрезентација требаше да одигра пријателски меч против репрезентацијата на Израелно, но на инсистирање на самите фудалери од Аргентина, истиот беше откажан.

Главната улога во целата приказна за откажувањето на подготвителниот дуел на „Гаучосите“ против Израел ја имаше Линонел Меси, кој во разговор за TyC Sport ја објасни и причината зошто инсистирал да се откаже натпреварот.

„Како амбасадор на УНИЦЕФ, не можам да играм фудбал против луѓе кои убиваат невини палестински деца. Поради тоа моравме да го откажеме натпреварот, бидејќи, сепак, ние пред сè сме луѓе, па фудбалери“, изјави Меси.

Израелските медиуми пишуваат дека народот на Израел е лут поради фактот дека Лионел Меси и неговите соиграчи застанале на страна на терористите од Палестина.

„Постојат вредности кои се дури и над Меси. Политизирањето на аргентинската одлука ме загрижува. Ова е удар за нас, не само во спортска смисла, па може да предизвика ужасни работи“, предупреди претседателот на Израел, Рувен Ривлин.