Мегваер: Има многу луѓе кои не сакаат да играм за Англија, но милиони кои сакаат да сум тука

Хари Мегваер помина низ тежок период во Јунајтед во кој доби многу критики. Англискиот репрезентативец беше и преселен на клупата, меѓутоа потоа повторно се избори да биде стартер кај „црвените ѓаволи“.

Стандарден е Мегваер и во селекцијата на Англија со која го чека пријателскиот натпревар против Бразил. Пред овој натпревар дефанзивецот даде интересна изјава за медиумите.

„Благодарен сум на селекторот за поддршката која ја добивам и секој повик во репрезентацијата. Многумина ќе кажат дека не треба да играм, но има милиони кои сакаат да ме видат тука. Токму затоа фудбалот е прекрасен, секој има различно мислење“, изјави Мегваер.

Покрај Бразил, Англија во оваа репрезентативна пауза ќе игра и против Белгија.