Репрезентацијата на Франција го освои Светското првенство во Русија по победата во финалето против Хрватска со 4:2.
Триколорите ја оправдаа улогата фаворит на Мундијалот во Русија и по втор пат во својата историја станаа шампиони во светот. Франција покажа дека има одлична генерација која на сцената ќе биде уште долго време, а се издвои одлучниот Килијан Мбапе кој е избран за најдобар млад играч на Мундијалот.
Шанса да станеш YouTuber! Приклучи се! ↓↓↓
Мбапе одигра неколку одлични натпревари и стана најмладиот француски играч кој дал гол на Мундијал. По Пеле, тој стана првиот тинејџер кој постигнал гол во финале на Светско првенство и сигурно дека пред него е славна кариера.
Сепак, малкумина знаат дека Мбапе во полуфиналето против Белгија играл повреден. „L`equipe“ денеска објави дека имал повреда која ја заработил на навистина бизарен начин. Францускиот напаѓач почуствувал болка во грбот додека се туширал, односно додека се обидел да ги земе своите работи од полицата.
Сепак, во екипата на Франција тоа го сокрија и Мбапе играше против Белгија, а и неколку дена подоцна против Хрватска. Лекарскиот тим ја заврши својата работа на најдобар начин и тоа се исплатеше на Французите кои станаа шампиони во светот.
Kylian Mbappé played in France’s semi-final vs Belgium with a back injury he sustained when slipping over to grab his things for a shower, with 3 vertebrae affected, according to L’Équipe.
— Get French Football News (@GFFN) July 20, 2018