Мајсторите така влегуваат во легендите: 500-ти гол на Ибрахимовиќ во кариерата (видео)

И тоа во ремито со Ди Си Јунајтед.

Легендата вели – Златан Ибрахимовиќ не знае да постигнува обични голови и секој мора да биде по нешто посебен. Дека е навистина така се уверивме изминатата ноќ кога Златан го постигна својот 500-ти гол во кариерата.

Златан тоа го направи 5-тата минута против Ди Си Јунајтед кога ја зафати топката на маестрален начин иако беше во дуел со еден противнички играч.

Ибрахимовиќ е само вториот шведски фудбалер со повеќе од 500 голови во кариерата, претходно тоа го направи Гунар Нордал кој играше во далените 50-ти години и на своето конто запиша 513 погодоци.

Кога се активните играчи во прашање Златан е трет кој ја помина оваа граница. Први секако се Лионел Меси (644) и Кристиано Роналдо (676).