Марко Вујин самоволно го напушти Вардар

Вардар утре има гостување од Лигата на шампионите против ПИК Сегед, а во составот ќе го нема Србинот Марко Вујин.

„24 ракомет“ објави дека Марко Вујин самоволно вчера ги напуштил соиграчите и си заминал од екипата, а наскоро се очекува и официјално да се раздели со „црвено-црните“.

Вујин претходно не најавил такво нешто и сите биле изненадени од неговиот потег, а наводно причина за ваквиот потег на Србинот е  што не играл на последниот натпревар со ПИК Сегед.

Вујин во Вардар пристигна на почетокот од оваа сезона од редовите на Спортинг Лисабон. Србинот не се снајде најдобро и не прикажува партии какви се очекуваат од него.

Вардар в четврток од 18.45 ќе игра против ПИК Сегед, а во во Сегедин отпатуваа и без Борко Ристовски, кој поради повреда остана во Скопје.

Фото: РК Вардар