„Марка“ избираше најдобро трио во историјата – еве ги резултатите

Заминувањето на Касемиро во Манчестер Јунајтед значеше и крај на ерата на триото од средниот ред Модриќ – Крос – Касемиро. Ова беше причина „Марка“ да направи голема анкета.

„Марка“ се одлучи да избира најдобро трио во средниот ред и на читателите им понуди 15 славни и трофејни средни редови од кои навивачите требаше да избираат.

На крајот анкетата се претвори во битка помеѓу споменатото трио на Реал и триото на Барселона со Чави, Иниеста и Бускетс. Реал Мадрид со Касемиро, Модриќ и Крос освои четири титули во Лигата на шампионите (2016, 17, 18 и 22), а Барселона со Иниеста, Бускетс и Чави три (2009, 11 и 15).

Дури 94% од сите гласови завршија за овие две триа, а гласаа повеќе од 160.000 фанови. На крајот победи средниот ред на Барселона со 52% од гласовите, додека на Реал доби 42%.