Манџукиќ пред трансфер во Турција

Хрватскиот напаѓач Марио Манџукиќ е пред преселба во турскиот гигант Фенербахче.

Медиумите во Турција пренесуваат дека преговорите помеѓу агентите на Манџукиќ и Фенербахче се во завршна фаза.

Манџукиќ е без клуб откако го напушти Милан каде што не ги исполни очекувањата.

И пред преминувањето во Милан Манџукиќ се поврзуваше со Фенер, но тогаш тој го избра Милано за негова нова дестинација. Според информациите Фенербахче на Манџукиќ му нуди плата од два милиони евра по сезона.