Манџукиќ и Бонучи – нерасчистени стари сметки! (видео)

Јувентус синоќа го декласираше Милан со 4:0 во финалето на италијанскиот Куп и уште еднаш ја освои двојната круна.

Во центарот на вниманието секако беше Леонардо Бонучи, кој минатото лето го напушти Јувентус и се пресели во редовите на големиот ривал.

Бонучи на мечот во Торино беше исвиркан, тој постигна гол и се радуваше, па уште повеќе ги наруши односите со својот бивши клуб и поранешните соиграчи.

Синоќа сите фудбалери на Јувентус се однесуваа ладно кон него, а италијанските медиуми пренесуваат дека тоа било директна наредба од раководството на клубот.

Буфон и останатите не ни го погледнаа додека им честиташе, а најголем впечаток секако остави моментот кога Манџукиќ го оттурна од себе.

Mandzukic vs Bonucci #JuveMilan pic.twitter.com/PPSLygI9GF

— JuPorn™ (@jup1897) May 9, 2018

Двајцата имаат нерасчистени сметки уште од минатата година од финалето во Кардиф, каде на полувремето избила голема расправија и за малку била избегната физичка пресметка меѓу нив двајцата.

На крајот Бонучи покажа дека е голем шамион и му честиташе на бившиот клуб, притоа сам појде кај своите навивачи да им се извини за големиот пораз.