Манчини се збогуваше со Михајловиќ: Болеста однесе човек кој се бореше како лав…

Денес почина Синиша Михајловиќ, а од него се простува цел фудбалски свет, се огласи и актуелниот селектор на Италија, Роберто Манчини кој беше голем пријател со Синиша.

Двајцата беа соиграчи во Сампдорија и Лацио и за тоа време развија големо пријателство, кое секогаш го истакнуваа.

„Ова е ден кој никогаш не сакав да го живеам, затоа што изгубив пријател со кој делев речиси 30 години од мојот живот, на теренот и надвор од него. Не е фер, таква страшна болест да однесе човек од 53 години кој се бореше како лав до последен момент.

Исто како што беше на теренот. И токму така Синиша секогаш ќе остане со мене, дури и да го нема, како што беше во Џенова, Рим и Милано, па и подоцна кога патиштата ни се разделија“, рече Манчини.