Манчини го „пречкрта“ Балотели: Марио на трибини против Португалија

Репрезентацијата на Италија вечерва игра на гости против Португалија во оквирот на Лигата на нации, а селекторот Манчини се одлучи да направи промени во тимот.

Веста на денот на Апенините е дека Марио Балотели воопшто нема да биде во конкуренција за овој меч. Напаѓачот беше стартер на мечот против Поска и одигра лошо, па беше мета на критики.

Иако Манчини после мечот застана во негова одбрана, се реши да го испрати на трибини за вечерашниот меч против Португалија.

Имено, Манчини имаше повикано 30 фудбалери, па мораше да изостави седуммина, а меѓу нив е Балотели заедно со Заниоло, Бираги, Ругани, Крагно, Запакоста и Пелегрини.

„Скај Италија“ пренесува дека за вечерашниот меч Манчини ќе ги остави на клупа Бонучи и Киелини и стартери ќе бидат младите дефанзивци на Милан, Калдара и Ромањоли.