Манчестер Јунајтед ја откажува турнејата во Кина

Манчестер Јунајтед сериозно размислува да ги промени плановите за летната турнеја во Кина, пред почетокот на сезоната, пренесуваат англиските медиуми.

Иако турнејата на Кина не беше официјално објавена, сепак беше во програмата на „црвените ѓаволи“ во предсезонските припреми.

Поради проблемите и ширењето на корона вирусот, клубот не сака да ризикува со такво патувања, па најверојатно ќе ги промени плановите и ќе ги премести подготовките во САД.

Манчестер Јунајтед традиционално има летна турнеја во Кина од 2016 година, бидејќи „црвените ѓаволи“ се исклучително популарни на Далечниот Исток.

Во Кина ситуацијата е алармантна, а нема гаранции дека државата ќе може да се справи со вирусот до лето.