Манчестер Јунајтед тргнува по ѕвездата на Њукасл

Манчестер Јунајтед покажува сериозен интерес за младиот играч за врска на Њуксл, Шон Лонгстаф, пренесуваат медиумите на Островот.

21-годишниот Лонгстаф оваа сезона дебитораше во Премиер лигата и одигра 9 меча, но потоа се повреди.

За сега од Њукасл тврдат дека никој од „Олд Трафорд“ не испратил официјална понуда за играчот, и истакнаа дека немаат намера да се разделат со него. Лонгстаф потпиша нов договор со клубот пред само шест месеци и се обврза на верност до 2022 година.

Младиот играч за врска го привлече вниманието на големите клубови на Островот, а доби и пофалби од менаџерот на Манчестер Сити, Пеп Гвардиола.

Вчера „Скај Спорт“ информираше дека „црвените ѓаволи“ се блиску до комплетирање на трансферот на друг талент – Даниел Џејмс од Свонси за кого се очекува Јунајтед да плати 15 милиони фунти.

https://youtu.be/OzIU3DB7sUo