Манчестер Јунајтед спреми 50 милиони за ѕвездата на Ајакс

Манчестер Јунајтед покажува сериозен интерес за напаѓачот на Ајакс, Ентони, пренесуваат медиумите на Островот.

22-годишниот Ентони блесна оваа сезона во дресот на Ајакс и се промовираше во еден од најголемите таленти во светот.

Бразилецот игра како крилен напаѓач и оваа сезона постигна 12 гола и 10 асистенции, па го привлече вниманието на многу европски гиганти.

Тен Хаг одлично го познава и сака да го донесе на „Олд Трафорд“, а раководството е спремно да му ја исполни жежбата.

„Црвените ѓаволи“ спремаат понуда од 50 милиони евра, која се очекува да ги задоволи апетитите на Ајакс.

🚨 Manchester United are planning to make a 50 million euro offer for Brazilian star Antony. 🎩 🇧🇷#MUFC 🔴 #AFCAjax pic.twitter.com/KPy18G4qJ3

— Ekrem KONUR (@Ekremkonur) June 12, 2022