Манчестер Јунајтед спреми нов, богат договор за Фернандеш

Бруно Фернандеш пред една година пристигна на „Олд Трафорд“ и се покажа како големо засилување за „црвените ѓаволи“.

Манчестер Јунајтед планира да му понуди нов договор и двојно повисока плата на Португалецот, кој сезонава е клучна алка во играта на „црвените ѓаволи“.

Лондонски „Мирор“ пишува дека раководството на „црвените ѓаволи“ е подготвено да му ја удвои платата на 26-годишниот Фернандеш, кој со новиот договор би заработувал 200.000 фунти неделно.

Причината за ваквата реакција на Јунајтед е интересот кон Фернандеш од страна на Барселона и Реал Мадрид, и намерата на „црвените ѓаволи“ да го задржат Португалецот во своите редови.

Англиските медиуми пренесуваат дека преговорите се во напедна фаза и наскоро Фернандеш ќе стави потпис на новиот договор до 2025 година.