Манчестер Јунајтед прави „тактика“ за трансферот на Вернер

Манчестер Јунајтед е еден од главните кандидати за потписот на Тимо Вернер, пренесуваат германските медиуми.

Германскиот напаѓач игра уште една одлична сезона и е главен „виновник“ што Лајпциг е лидер во Бундеслигата.

За него силен интерес покажуваат неколку европски гиганти, но најсилен е интересот на Манчестер Јунајтед.

Медиумите на Островот тврдат дека „црвените ѓаволи“ веќе почнале да работат на трансферот и ќе ја искористат истата тактика која Реал ја искористи да го донесе Еден Азар од Челзи.

Јунајтед ќе чека крај на сезоната и ќе спреми офанзива за неговиот потпис на лето, кога Вернер ќе влезе во последната година од договорот.