Манчестер Сити спреми нов договор за Стоунс

Раководството на Манчестер Сити наскоро ќе му предложи нов договор на дефанзивецот Џон Стоунс, пренесуваат медиумите на Островот.

Овој 24 годишен фудбалер во Етихад пристигна во 2016 години од Евертон, а оваа сезона игра одлично.

Неговиот договор истекува во 2022 година, меѓутоа „граѓаните“ се спремни да му понудат нов петгодишен договор.

Англискиот дефанзивец ќе добие и значително зголемување на платата, односно неделно ќе заработува 150.000 фунти.

Се очекува двете страни брзо да постигнат договор и наскоро Стоунс да стави потпис на нов договор.