Манчестер Сити го купува „новиот Нејмар“

Манчестер Сити е блиску до привлекување на 17-годишниот бразилски талент од Флуминенсе, Кауку, пренесуваат англсиките медиуми.

Раководството на „граѓаните“ веќе го договорило трансферот и за потписот на младиот талент ќе плати 10 милиони евра, плус 7 милиони дополнителни бонуси.

17-годишниот Кауку заврши како прв стрелец во првенството Бразилеиро со 17 гола и 12 асистенции, па го привлече вниманието на многу европски гиганти.

Кауку важи за еден од најголемите бразилски таленти и во татковината веќе го споредуваат со Нејмар.

„Граѓаните“ сега имаат за цел да ја завршат документацијата и да извадат работна виза пред да го официјализираат трансферот.