Македонската публика утре на ТВ ќе може да го гледа документарецот за Дарко Панчев!

Конечно девет месеци по неговото преставување на церемонијата во хотелот „Александар Палас“ македонската фудбалска јавност ќе има можност да го погледне документарниот филм посветен на кариерата на Дарко Панчев, „Патот на Кобра до ѕвездите“.

Документарецот ќе се емитува утре на „Спортклуб 1“ со почеток од 21:05 часот. Како што е познато тој е во изработка на телевизијата „Спортклуб“, „Спортнетврок“ и „Спортското радио 90.3“.

„Постигнав многу голови во кариерата, а еден голгетер според мене не треба да гледа кој гол е убав, треба да ги има што повеќе. Секој гол кој што сум го постигнал миу е драг.

Документарец се прави само ако имате што да прикажате и кажете во него. Исто така во изработка е и моја автобиографска книга“, изјави Панчев на претставувањето пред девет месеци.