Репрезентацијата на Македонија до 21 години беше поразена на гостувањето кај Србија со 2:1 во рамките од квалификациите за Европското првенство.
Денес избраниците на Драган Канатларовски прикажаа игра која беше далеку под потребното ниво, посебно во првото полувреме. Домаќинот денес беше подобар и заслужено победи користејќи ги нашите грешки во одбраната.
Шанса да станеш YouTuber! Приклучи се! ↓↓↓
Србија до водство стигна од првата посериозна прилика кога од еден корнер во осмата минута Ераковиќ остана сам на втората статива и ја смести топката во мрежата. Во првото полувреме не создадовме ниту една посериозна шанса за гол, а Денковски со две одлични интервенции го одржуваше резултат 1:0.
Во вториот гол тргнавме поофанзивно кон противничкиот гол, но не беше доволно, одново изостануваа оние 100% прилики, тешко одеше креирањето шанси, бевме некако без идеја. Србија до крајот преку Јовиќ зголеми на 2:0, а ние во финишот постигнавме гол преку Димоски за конечни 2:1.
СОСТАВИ:
СРБИЈА: Гордиќ Роган, Ивезиќ, Ераковиќ, Каменовиќ, Митровиќ (Јовиќ 68), Терзиќ (Гордиќ 67), Пантовиќ, Илиќ, Тедиќ (Миловановиќ 80)
МАКЕДОНИЈА: Денковски, Хајдари, Антовски, Исени, Манев, Воша (Максимов 80), Фазлагиќ, Ѓоргиевски (Рустемоски 66), Емини (Тодоровски 77), Шеји (Илиевски 66), Гроздановски (Димоски 78).