Македонија со пад од две места на ФИФА ранг листата

Македонската фудбалска репрезентација се најде на 74.место на најновата ФИФА ранг-листа со што забележа пад од две места.

Ова доаѓа по трите нерешени исходи во натпреварите против Ерменија, Исланд и Романија во квалификациите за СП во Катар.

Од нашите ривали во групата, Германија е најдобропласирана на ранг-листата и се наоѓа на 14 место, потоа следи Романија (42, Исланд (60), Ерменија (89) и Лихтенштајн (188).

Првото место на ранг-листата го држи Белгија, пред Бразил, а трета е Англија која ја помина Франција. Меѓу најдобрите 10 репрезентации на светот се наоѓаат уште Италија, Аргентина, Португалија, Шпанија, Мексико и Данска.