Македонија до 21 година победи на првиот тест против Босна

Новата генерација до 21 година предводена од Драги Канатларовски денес славеше на првиот тест против Босна и Херцеговина. На пријателскиот натпревар кој се одигра во Ѓорче Македонија славеше со 1:0.

Единствениот гол на натпреварот го постигна фудбалерот на швајцарски Вил Луан Абази. Голот беше постигнат после само три минути игра во второто полувреме.

Македонија во текот на целиот натпревар беше подобар противник и овој натпревар е добра најава за новата генерација, со оглед дека претходната и немаше некои резултати. Квалификациите во групата ги завршивме како претпоследни.

Новиот тест следи во недела на „Петар Милошвски“ повторно против Босна.

Фото: ФФМ