„Лудакот“ Биелса пронајде нов клуб!

Марсело Биелса кој во својата родна Аргентина е познат како „Лудак“ на чекор е од нов клуб.

После неуспешната епизода во Лацио која траеше 48 часа, Марсело Биелса успеа да пронајде нов клуб. Тоа ќе биде француски Лил, клубот и официјално објави дека аргентинскиот стручњак ќе ја предводи екипата на почетокот на следната сезона.

Марсело Биелса има 61 година, а во својата кариера беше тренер на Њуелс, Атлас, Америка од Мексико, Велес Сарсфилд, репрезентацијата на Аргентина, Чиле, Атлетик Билбао и Марсеј.

Најголем успех му е освојувањето на златниот медал на Олимписките игри во Атина 2004 година со репрезентацијата на Аргентина.