Лоши вести и за Лидс и за нас: Се повреди Алиоски! (ФОТО)

Лоши вести пристигнуваат од Англија за македонската репрезентација и селекторот Игор Ангеловски.

Лидс се соочи со голем хендикеп уште во 12-тата минута во натпреварот против Брентфорд, се повреди Егзијан Алиоски. Ова е и тоа како тежок удар за Лидс кој се бори за директен влез во Премиер лигата наредната сезона.

Повредата на Алиоски може да биде проблем и за репрезентацијата на Македонија бидејќи за нешто повеќе од еден месец ќе ги играме можеби најважните натпревари во групата од квалификациите за Европското првенство против Полска и Австрија.

Оваа сезона Алиоски беше стартер на сите 43 натпревари за Лидс во второто по ранг натпреварување во Англија, а денес после 12 минути беше приморан да го напушти теренот.

12’ Marcelo is forced into his first change after Alioski is withdrawn through injury, to be replaced by Dallas. 0-0 pic.twitter.com/V1O393hvvp

— Leeds United (@LUFC) April 22, 2019

Првичните информации за неговата повреда не се добри и говорат дека за него сезоната е завршена. Сепак, се чекаат деталните прегледи после што работите ќе бидат појасни.

Доколку повредата на Алиоски е сериозна причина може да биде заморот, а ќе биде вистинска трка со времето за максимално да се опорави и спреми за натпреварите против Полска и Австрија кои во јуни ќе ги играме во Скопје.

Ние се надеваме на добри вести и брзо враќање на македонскиот репрезентативец на терените.