Лос Анџелес шампион во МЛС, Бејл херој! 🎥

Фудбалерите на Лос Анџелес се шампиони во МЛС лигата откако во вчерашното драматично финале ја совладаа Филаделдија преку пенали.

Натпреварот во регуларниот дел заврши 2:2, а во продолженијата двата тима постигнаа по еден гол. Херојот во победничкиот тим беше Герет Бејл кој во 128. минута постигна гол за изедначување, па се изведуваа пенали.

Со  голот на Акоста Лос Анџелес поведе после половина час игра, Газдаг изедначи, па Лос Анџелес повторно поведе, за 2:2 се погрижи Елиот на пет минути пред истекот на регуларните 90.

Голманот на Лос Анџелес во продолженијата во 116. минута направи фаул надвор од шеснаесетникот и доби црвен картон. Во таа ситуација се повреди, па го замени Мекарти кој само десет минути подоцна беше совладан за 3:2. Како што споменавме пред самиот крај Бејл стрелаше за 3:3.

Следуваше пенал рулетот каде што фудбалерите на Филаделфија беа катастрофални и ги промашија сите три пенали кои шутираа, па трофејот заврши во Лос Анџелес.