Летово за својот Халанд платија 75 милиони. Својот прв лигашки гол го постигна на „Боксинг деј“

Хојлунд ова лето стана еден од најскапите играчи во историјата на еден од најголемите клубови.

Манчестер Јунајтед на почетокот на август го доведе младиот напаѓач од Аталанта за цели 75 милиони евра.

Ваквата бројка за еден тинејџер до неодамна, кој во својата кратка кариера постигна само девет гола во Серија А, предизвика големи контроверзии.

Бројни критичари истакнаа дека Јунајтед во преголемата желба да го донесе својот „Халанд“, грубо го преплати младиот Данец.

Тие набрзо дојдоа во своето. Големиот напаѓач не можеше да постигне гол за Јунајтед во Премиер лигата. Поминаа месеци, а тој не успеа да постигне гол во една од најсилните лиги иако за тоа беше платен богатство.

Во Лигата на шампионите постигна многу, пет гола на шест групни натпревари, но тоа беа пирови голови. Сите ги постигна во поразите од Баерн, Галатасарај и домашниот тим Копенхаген, а Јунајтед на крајот со дебакл ја заврши групната фаза, завршувајќи на последното место во групата.

И тогаш, кога се чинеше дека неговата неверојатна магија во Премиерлигата која траеше од летото оваа година ќе се прелее и во следната, Хојлунд конечно постигна гол.

Му требаа пет месеци и 15 натпревари. Конечно постигна гол, и тоа многу важен, за голем пресврт и победа од 3:2 против Астон Вила во дербито од 19. коло.

Голот погледнете го ТУКА